Plantun de Prouvènço

Pèr coumpara dos planto d'encò nostre

Saxifraga fragosoi & Chondrilla juncea

Sassifrago(-rufo)

Saxifraga fragosoi

Saxifragaceae

Autre noum : Sassifrajo.

Nom en français : Saxifrage continentale.

Descripcioun :
Aquelo sassifrago trachis sus li paret roucassous de basso Prouvènço. Fai de poulìdi mato d'ounte sorton à la primo de flour blanco emé lou cor jaune, pourtado pèr de cambo longo de 10 cm à pau près. Se recounèis à si fueio primo e proun divisado.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 20 cm
Fueio : Basalo
Tipe bioulougico : Camefite
Cicle bioulougico : Planto renadivo

Gènre : Saxifraga
Famiho : Saxifragaceae

Ordre : Saxifragales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 100 à 1800 m
Aparado : Noun

Liò : Paret - Roucas
Estànci : Mesoumediterran à Mountagnard
Couroulougi : Pancaro entresigna
Ref. sc. : Saxifraga fragosoi Sennen, 1929

Sauto-voulame

Chondrilla juncea

Asteraceae Compositae

Àutri noum : Cantoulamo, Mauguié, Sauto-mourre, Berenchié, Lachet.

Noms en français : Chondrille à tiges de jonc, Chondrille jonciforme.

Descripcioun :
Lou sauto-voulame es uno planto coumuno d'ermas. L'estiéu se recounèis à sa cambo redo que porto quàuqui fueio e de flour jauno coumpausado e pulèu longo. L'ivèr la rouseto rèsto contro lou sòu ; li fueio soun descoupado emé de tros en arc de ciéucle que parton vers lou cèntre de la rouseto. Ramentan qu'èi talamen duro qu'empachavo li meissounié de sega lou blad : "L'ourame te lou fasié fila de coustat. Resquihavo sus la tijo" (Louis Garcin in MADON O., op.cit.).

Usanço :
Es uno bono erbo de l'ensalado champanello que fau acampa quouro li fueio de la baso soun pancaro secarouso. Se soubro la tijo de l'an davans, sara eisa de la recounèisse (fotò).

Port : Grando erbo
Taio : 0,3 à 1,2 m
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Chondrilla
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 1,5 cm
Flourido : Printèms - Estiéu

Sòu : Ca
Autour basso e auto : 0 à 1700 m
Aparado : Noun
Remarco : Ensalado champanello
Juliet à óutobre

Liò : Champ - Ermas - Camin
Estànci : Termoumediterran à Coulinen
Couroulougi : Éurasiatico-Cèntre-Ouèst
Ref. sc. : Chondrilla juncea L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Saxifraga fragosoi & Chondrilla juncea

ges

Coumpara Sassifrago(-rufo) emé uno autro planto

Coumpara Sauto-voulame emé uno autro planto